Atopo dúas noticias que fan referencia a modelos de migración ao software libre:

1. No blogue de Rentalia, empresa adicada ao aluguer de casas de vacacións en España, explican o proceso  exitoso de migración desde unha plataforma de software privativo cara a unha solución libre con Ubuntu, OpenOffice.org, Firefox e Thunderbird, Gimp, etc.. como substitutos do anterior software. Este  modelo básico, coas adaptacións precisas segundo a tipoloxía e tamaño dos centros, pode ser un exemplo para trasladar ás institucións educativas. (Recollido na web Mancomún.org)

2. A conselleira de Educación, Laura Sánchez Piñon, visitou o pasado 22 de maio o IES Chan do Monte en Marín (Pontevedra), o centro de referencia na implantación de Sofware Libre nas TIC en Galicia, e destacou o interese de estender este proxecto a outros centros educativos. (Semella que algo se avanza :-).

Son dous modelos diferentes pero que se complementan e poden adaptarse segundo a tipoloxía dos centros. O primeiro exemplo, (o de Rentalia) semella máis fácil de impulsar en centros de menores dimensións (penso máis nos CEIP pero tamén nalgúns IES) e onde os docentes posúen en xeral menor formación técnica. O modelo do IES Chan de Monte é un ideal a acadar, especialmente nos centros de maiores dimensións e onde se precisa dunha infraestrutura máis complexa e de técnicos cualificados no centro.

Entrevista a Miguel de Icaza, un dos líderes da cultura do software libre, no diario Público.

En Consumer Eroski dan conta da noticia: "Ubuntu consolídase como alternativa a Windows"

En Cesarius.net, podes ver un resumo das principais características desta distribución.

Se estás dubidando en dar este salto, este pode ser un bo momento para facelo!

Tamén podes ver a nova en Vieiros  ...e no diario Público

En Genbeta.com temos uns consellos de posta a punto da nova Ubuntu 8.04 Hardy Heron

En Ubuntu Life engádense algunhas suxestións máis.

En Barrrapunto.com publícase este enlace para configurar un servidor en Ubuntu (en inglés).

Aquí temos un vídeo titorial moi didáctico do proceso de instalación da nova versión de Ubuntu. Visto en ticblog, de Alberto Armada.

... (... continúa)

Páxina elaborada por José Troncoso, profesor dun IES en Vigo. Publica este curso de OpenOffice baixo licencia GFDL para que todo o mundo poida usalo libremente. Está en lingua galega. Semella moi axeitado para traballar co alumnado. Noraboa!

http://www.troncoso.info/OOo/

Algunhas das distribucións máis importantes e populares de Linux teñen programado liberar unha nova versión final do seu sistema durante este mes de abril. Hai uns días que saíu o novo de Mandriva, teremos Fedora 9 en apenas cinco días e en menos de dúas semanas veremos Ubuntu Hardy.

Noticia recollida e ampliada en Genbeta.com

Na web de muycomputer.com atopamos unha análise detallada de catro destas distros máis populares e extendidas.

Recollido en Anosaterra diario

A Consellería de Industria acaba de publicar catro informes sectoriais sobre o uso do Software Libre no país: na PEME, na PEME TIC, nos centros de ensino non universitarios e nos concellos.

Esta publicación, realizada a través de Mancomun.org., recolle unhas conclusións e recomendacións xerais de cara ao futuro. Os informes dan idea da evolución ocorrida nos dous últimos anos no uso do Software Libre en Galiza. “Nos resultados percíbese que o aumento do uso deste tipo de software é constante en todos os ámbitos de estudo, deixando de ser unha tecnoloxía case exclusiva da PEME do sector TIC penetrando con forza nos demais sectores”, indica a Xunta de Galicia.

"Gabriel Pérez,  presidente de Liberum Humanitas, capítulo de Free Culture do RUM, ofreceu unha conferencia sobre o poder de Linux e o software libre". É unha presentación de Slideshare, con 67 diapositivas. Unha excelente introdución -do mellor que coñezo- para coñecer e animar ao uso do software libre.

Manuel González Regal, desde o IES Xulián Magariños, vén de anunciar a dispoñibilidade do MAGASIX Linux v2.2, completamente estable e funcional, en galego e optimizada coas aplicacións máis útiles para os centros educativos. Manuel xa levou máis dun premio e é un dos principais impulsores do software libre en Galicia. Unha razón de peso para probala.

Ver noticia ampliada na web de mancomun.org 

Esixe a devolución do imposto Windows en http://devolucion.org. Por cada ordenador que compramos obrígasenos sen elección a pagar un imposto privado: o chamado "imposto Windows", que inclúe todo ese software innecesario valorado entre 100 e 300 Euros que practicamente sempre nos cobran sen elección dentro de prezo do noso ordenador.

 Que pasaría se todos os que nos dedicamos á informática nos negáramos a darlle soporte aos Windows instalados que teñen: os nosos veciños, amigos, coñecidos, coñecidos de coñecidos…(e máis ós que son piratas)?

1. Tanto o software libre como o software privativo permiten desenvolver os contidos e actividades programadas nas escolas.

2. O software libre está na súa maioría traducido a linguas minoritarias, e en particular a lingua galega. Non acontece o mesmo con outras aplicacións básicas en software privativo.

3. Se utilizamos software privativo na escola (a Administración permíteo porque hai uns anos apenas existían alternativas) estamos condicionando ao alumno/a a utilizar o software dunha empresa que posúe o monopolio neste campo (Microsoft). E tamén indirectamente obrigándolle a utilizar o software utilizado na escola na súa propia casa.

4. Os alumnos/as teñen acceso ao software libre de forma gratuita e legal, e poden compartilo.

5. A filosofía do software libre concorda cos valores promovidos pola escola para unha correcta socialización (solidariedade, colaboración,...)

6. E a última por agora... prefiro traballar por unha causa solidaria e pertencer á comunidade do software libre, que traballar gratis para Microsoft (empresa privada con intereses lucrativos, e que a min non me dá nada) axudando a "fidelizar" a persoas "inocentes".

Conceptos xerais sobre o software libre.

Dez vantaxes do software libre e propietario

(... continúa)

No Blog "El Camarote" e publicado por José Luis Cabello: (Ver noticia ampliada)

"A aparición de ordenadores de baixo custo con Linux en Estados Unidos parece anunciar una tendencia que pode crecer e extenderse con rapidez, segundo informa Erica Ogg nun artigo en CNET News, no que dá cinco razóns para non temer usar estes equipos de menos de 200$, que sirven perfectamente para conectar a Internet e desenvolver as tarefas diarias da maior parte dos usuarios."

Algunhas innovacións nas TIC apuntan ó uso de tablets PC nas aulas (un por cada alumno/a), pero teñen un prezo considerable. Con esta alternativa sería moito máis viable esta idea.

Se che interesa aprender sobre o uso das TIC na aula, esta é unha excelente oportunidade... sen moverte da casa!! Máis información aquí. 

Se xa estás maduro/a para asumir a túa liberdade no campo da informática, preséntoche un bo lugar para comezar:

Na seguinte ligazón: http://one.revver.com/collections/show/284299/ podemos atopar 16 videotitoriais de Ubuntu de case media hora de duración cada un. Os vídeos explican desde a instalación, configuración do sistema, até o traballo gráfico e con terminal, os principais comandos, o uso do xestor de actualizacións de software, o escritorio Gnome, etc...

Recollido en Mancomun.org

Outra cousa: Desde Tuxapuntes.com ofrécennos este MANUAL SUPERNOVATO para TUNEAR a  Ubuntu 7.10

Dedicado ós enganchados en Microsoft (que non che tomen o pelo)

a) Aos que entenden:

2. E ademais non hai que gastar un duro, fácil de piratear...

3. E tira ben, vale pa chatear, gravar dvds, xogar e o que faga falta.

b) Aos que non entenden:

5. Perdón... eu non entendo de informática... é o que me poñen no plato e algo terei que comer...

6. Foi o que me ensinaron, hai algo distinto?

Ubuntu 7.10 Gutsy Gibbon xa se pode descargar

E vai sendo hora de pasar tamén do Microchof Word (que non che tomen o pelo)

Descárgate a imaxe do CD co OpenOffice.org 2.3.0 en galego

ALgunhas das súas novas características no seguinte enlace:

Interesante enlace en Observatorio de software educativo libre, cunha recompilación para primaria. 

Destacamos o JavaClic, TuxPaint, GCompris... e hai moitos máis. 

 No seguinte enlace reprodúcese unha metáfora divertida acerca do software libre.

HacheMuda é o creador deste video

Máis vídeos en you tube

Fragmento da intervención de Richard Stallman na Universidade de Palma de Mallorca no 2004.

Por que as escolas deberían usar só software libre (texto da conferencia de Richard Stallman)

Software Libre: consciencia de libertad por Julian Coccia, presidente de Linux Español e fundador do Observatorio de Neutralidade Tecnolóxica

Porque o primeiro son os Principios...

Un usuario dun ordenador pode escoller no mundo do software entre dúas opcións básicas: a) Utilizar software propietario, basicamente da multinacional Microsoft (windows, office...), ou b) Utilizar software libre, elaborado por unha comunidade de persoas que achega desinteresadamente este produto á rede para o disfrute de tod@s.

Esta elección faise a miúdo de xeito inconsciente, por imposición, xa que grazas ó monopolio de Microsoft no mercado case tódolos ordenadores veñen co seu sistema operativo instalado. O descoñecemento conduce a aceptar aquilo que nos dan imposto como se fose a única opción posible. Unha vez atrapados nesa rede adquírense uns hábitos difíciles de cambiar.

Como usuarios de software propietario (windows, office...) pasamos a formar parte da plantillla laboral de Microsoft. Dunha gran empresa privada. Traballamos para a gran empresa: comprando o seu software, utilizándoo, axudando ós nosos compañeiros a fidelizarse (axudámoslles a usar o word, o explorer, o windows, a arranxarlles os seus atrancos...). E traballamos gratis, ¡que gran cantidade de capital posto ó servizo de Microsoft, da empresa privada, e sen que a empresa gaste un duro neste exército de traballadores! Os piratas neste sistema non son máis ca voitres que viven da rapina.

Como usuarios do software libre (linux, firefox, openoffice...) pertencemos a unha gran comunidade que pon na rede este software e que o utiliza gratuitamente, sen dar explicacións, sen rexistros, sen publicidade,.... Traballamos para toda a comunidade, desinteresadamente, solidariamente, con sentido ético... ofrecendo o noso coñecemento e obtendo a cambio o coñecemento dos demais.

Como educadores formados podemos elixir entre dous sistemas de valores.

“O ensino público no canto de dedicarse a ser un actor de dinamización do desenvolvemento de Galicia estamos a ser unha academia de Software Privado. Seguir facéndolle o xogo ás compañías comprando o seu software e formando gratis a alumnos no seu produto custa moito diñeiro e non me parece xusto nin un bo xeito de gastar o diñeiro dos contribuíntes.”

Publicado en http://www.mancomun.org

Curso moi completo e moi ben estruturado. Para tódolos públicos.

Un vídeo explicativo

Artigo en Consumer.es

Titoriais detallados, excelente sitio para comezar

Outro artigo na páxina do CNICE

Recursos TIC, de software libre, enlaces web...

Razóns para deixar de utilizar Internet Explorer

http://www.paraisoft.com

Portal para baixar o software libre básico máis utilizado

http://www.cd-libre.org

Recompilacións moi completas de software libre agrupado por temas, tamén de software educativo

¡Sé legal!

Programas alternativos en software libre

Alternativas de software libre en educación