Recursos educativos para mestres (Ed. InfantiI e Primaria)

Quixera destacar o traballo realizado por un grupo de profesores que compoñen o equipo de Edugaliza na promoción do software educativo en lingua galega: Antón Rodríguez, Xose Antón Vicente, Ester Vázquez, Felo Couto, Fran Macías, Luís Teira, Manolo Gesto, Manolo de Carnota, Manolo Veiga, Sabela Núñez, Suso Lojo e Suso Lorenzo.

Podemos ver algúns dos seus traballos, de utilidade na nosa práctica docente, na seguinte páxina:

Xosé Antón Vicente dirixe o blog "Ensino en galego"...

... e elaborou unha web onde recolle unha relación de todo o software educativo existente e traducido ao galego que pode ser utilizado na aula polos docentes. Este software pode utilizarse para que cada docente elabore os seus materiais específicos, pero tamén para compartir as actividades que xa foron elaboradas por outros compañeiros.

Software como LIM, Mapas, Formula20, Xogamos?, Ardora, Clic e JClic, Webquest, Loga ou Hot Potatoes. Podemos ver todo ao detalle no seguinte enlace:

A Asociación Socio-Pedagóxica Galega é un movemento de renovación pedagóxica pioneiro de Galiza e asociación sociocultural. Está integrada por máis de mil asociados e asociadas de todo o país, vencellados directa ou indirectamente cos ensinos Primario, Secundario e Universitario. Máis de trinta anos de actividade ininterrompida avalan a traxectoria da AS-PG.

Destacamos a súa sección de recursos, e o xogo Trivial GZ.

Dende o CEIP de Palmeira, en Ribeira, o equipo de novas tecnoloxías, coordinado por Xosé Manuel Bouzán, pon á disposición da comunidade educativa as actividades do Rato Paco, realizadas coa aplicación Ardora creada por el mesmo.

Dende a Web de Norberto preséntase unha recompilación moi ampla de recursos variados para traballar nas aulas: unidades didácticas, fichas e outras propostas.

Para traballar con ilustracións e viñetas, no enlace de entretodas atopamos uns debuxos de Forges que poden vir ó caso:

E a parte, podemos atopar unhas notas de humor, no blog de aulablog21

 Que pasaría se todos os que nos dedicamos á informática nos negáramos a darlle soporte aos Windows instalados que teñen: os nosos veciños, amigos, coñecidos, coñecidos de coñecidos…(e máis ós que son piratas)?

Programa dos XXIII ENCONTROS DE EDUCACION PARA A PAZ que sobre "Educación, democracia e laicidade" terán lugar na Escola Galega de Administración Pública (EGAP), en Santiago de Compostela, os días 6, 7 e 8 de Marzo.

Esixe a devolución do imposto Windows en http://devolucion.org. Por cada ordenador que compramos obrígasenos sen elección a pagar un imposto privado: o chamado "imposto Windows", que inclúe todo ese software innecesario valorado entre 100 e 300 Euros que practicamente sempre nos cobran sen elección dentro de prezo do noso ordenador.

Alberto Armada, o coordinador TIC do CPI don Aurelio de Cuntis, ten recollida unha ampla recompilación de recursos TIC clasificados por áreas e tamén por etapas e ciclos educativos, de infantil, primaria e ESO.

Recursos para o 3º de ciclo de primaria clasificados por áreas.

Recursos para o 2º ciclo de primaria

Recursos para o 1º ciclo de primaria

Recursos para educación infantil.